පසුගිය සඳුදා (ජනවාරි 22) අපේ ජනබල පක්ෂයේ නායක සමන් පෙරේරා නොහොත් රෝයල් බීජ් සමන් ඇතුළු පස්දෙනකු දක්ෂිණ අධිවේගී මාර්ගයේ බෙලිඅත්ත පිවිසුම ආසන්නයේදී ඝාතනය කිරීමේ සිද්ධියට යොදාගත් බවට සැකකෙරෙන මෝටර් රථය පොලිසිය විසින් සොයාගෙන ඇත.

ගාල්ල විද්‍යාලෝක පිරිවෙන ඉදිරිපිට රථගාලක තිබී එම මෝටර් රථය සොයාගත් බව පොලිසිය පවසයි.

මාතර සිට පැමිණි විශේෂ පොලිස් කණ්ඩායමක් එම මෝටර් රථය අත්අඩංගුවට ගෙන ඇත.

මෙම වෙඩිතැබීම පසුගිය වසරේ තංගල්ල ප්‍රදේශයේ සිදු වූ ත්‍රිත්ව ඝාතනයකට පළිගැනීමක් බවට සැකකෙරෙන අතර, වැඩිදුර තොරතුරු අනාවරණය කරගැනීම සඳහා පොලිස් පරීක්ෂණ ක්‍රියාත්මක වේ.