වෛද්‍යවරුන් සඳහා ලබාදීමට නියමිතව තිබූ දීමනාව (DAT) ගෙවීම අත්හිටුවීමත් සමඟ විශේෂඥ වෛද්‍යවරුන්ගේ සංගමය ද හෙට උදෑසන 08 සිට දීප ව්‍යාප්ත වර්ජනයක් ආරම්භ කිරීමට තීරණය කර ඇත.

එමෙන්ම එම වැඩවර්ජනය අවසන් කිරීමේ වේලාවක් තවමත් සාකච්ඡා කර නොමැති බවත්, ඒ පිළිබඳ අවසන් තීරණය හෙට ගන්නා බවත්, ඔවුන් සඳහන් කරති.

වෛද්‍ය නිලධාරීන්ගේ (සියලු ශ්‍රේණිවල) මෙම දීමනාව සහ විශ්වවිද්‍යාල ආචාර්යවරුන්ගේ අධ්‍යයන දීමනාව වැඩි කිරීමේ යෝජනාව මුදල් අමාත්‍යාංශයෙන් පැමිණි බව දන්නා බැවින්, දැන් එම යෝජනාව ක්‍රියාත්මක කිරීමට නොහැකි වීම පුදුමයට කරුණක් බව ද එම සංගමය සඳහන් කරයි.

මේ අතර, වෛද්‍යවරුන්ගේ පෞද්ගලික සායනද හෙට දින අවලංගු කර ඇති නමුත්, සියලුම හදිසි අවස්ථා සඳහා කිසිදු බාධාවකින් තොරව පැමිණෙන බවට සහතික කරන බව ද එම සංගමය වැඩිදුරටත් සඳහන් කර ඇත.

මෙම කරුණ පදනම් කරගනිමින් හෙට උදෑසන 08 සිට දිවයින පුරා වැඩ වර්ජනයක් ආරම්භ කරන බව රජයේ වෛද්‍ය නිලධාරීන්ගේ සංගමයද නිවේදනය කර ඇත.