42.31%
17.27%
32.76%
January 19, 2024
මෙම වසර අවසානයේ පැවැත්වීමට නියමිත ඉදිරි ජනාධිපතිවරණය අපේක්ෂාවෙන්, ඊට තරඟය වැදීම සඳහා විවිධ පක්ෂ සහ කණ්ඩායම් උපාය මාර්ගිකව ස්ථානගත වීමත් සමඟ දේශපාලන කරළියේ නොසන්සුන්කාරී තත්ත්වයක් දක්නට ලැබේ.
ජනතා විමුක්ති පෙරමුණ ප්‍රමුඛ ජාතික ජන බලවේගය සිය ජනාධිපති අපේක්ෂකයා ලෙස, අනුර කුමාර දිසානායක ප්‍රකාශයට පත්කර රටපුරා රැස්වීම් පවත්වයි.
විපක්ෂ නායක සජිත් ප්‍රේමදාස සමගි ජන බලවේගය සඳහා නායකත්වය දෙනු ඇතැයි බොහෝ දෙනා අපේක්ෂා කරති.
එක්සත් ජාතික පක්ෂය (එජාප) සිය නායක රනිල් වික්‍රමසිංහ ජනාධිපති අපේක්ෂකයා ලෙස නම්කර තිබේ.
මෙම සිදුවීම් සමග දේශපාලන වේදිකාව තුන්කොන් තරඟයක් හැඩගැසෙමින් පවතී.
හිටපු ජනාධිපති මහින්ද රාජපක්ෂගේ නායකත්වයෙන් යුත් ශ්‍රී ලංකා පොදුජන පෙරමුණ තමන්ගේම අපේක්ෂකයකු ඉදිරිපත් කරයිද, නැතහොත් තමන් සමඟ සන්ධානගතව සිටින ජනාධිපති වික්‍රමසිංහට පිටුපාන්නේද යන්න තවමත් පැහැදිලි නැත.
ව්‍යවස්ථාපිත ප්‍රතිපාදනවලට අනුව ජනාධිපතිවරණය ප්‍රකාශ කිරීමේ ප්‍රකාශය නිකුත් කළ යුත්තේ, 2024 සැප්තැම්බර් මැද භාගයේදී ය.
ඒ අනුව, මැතිවරණයට තිබෙන්නේ තවත් මාස අටක් බැවින් දේශපාලන පක්ෂ කඩිනමින් ක්‍රියාත්මක වී තිබේ.
ශ්‍රී ලංකා පොදුජන පෙරමුණ රටේ වත්මන් ආර්ථික අර්බුදකාරී තත්ත්වය සම්බන්ධයෙන් තමන්ට එල්ල වන චෝදනාවලට එරෙහිව කටයුතු කරන්නේ කෙසේද යන්න පිළිබඳව මූලික වශයෙන් දැනුවත් කිරීම සඳහා එම පක්ෂය සිය ක්‍රියාකාරීන් සඳහා වැඩමුළුවක් පසුගියදා පැවැත්වීය.
පාර්ලිමේන්තු මන්ත්‍රී නාමල් රාජපක්ෂගේ මැදිහත්වීමෙන් මෙම වැඩමුළුව සංවිධානය කර තිබිණි.
ශ්‍රී ලංකා පොදුජන පෙරමුණ තවමත් සිය ජනාධිපති අපේක්ෂකයා ප්‍රකාශයට පත්කර නැත.
කෙසේ වෙතත්, එය ජනාධිපති වික්‍රමසිංහට සහාය දක්වන බවට දේශපාලන ඇඟවීම් සිදුකර ඇත.
ඊට අමතරව, පාර්ලිමේන්තු මන්ත්‍රී අනුර ප්‍රියදර්ශන යාපා ප්‍රමුඛ දේශපාලන කණ්ඩායම ජනවාරි 27 වැනිදා ගම්පහ ජා-ඇල ප්‍රදේශයේදී සිය මැතිවරණ රැස්වීම් ආරම්භ කිරීමට නියමිත බව වාර්තා වේ.
මැතිවරණයට පෙර සන්ධානයක් පිහිටුවීමටද එම කණ්ඩායම සැලසුම් කර තිබේ.
