January 16, 2024
මඩකලපුව – තාණ්ඩිකුලම ප්‍රදේශයේ පාසලකින් රූපවාහිනියක් ඇතුළු භාණ්ඩ කිහිපයක් සොරකම් කළ පුද්ගලයකු අත්අඩංගුවට ගෙන තිබේ.
වවුනියාව පොලිසියේ අපරාධ විමර්ශන ඒකකයේ නිලධාරීන් පසුගිය සඳුදා (15) සැකකරු අත්අඩංගුවට ගෙන ඇත.
සැකකරු වවුනියාව සුන්දරපුරම් ප්‍රදේශයේ පදිංචි 30 හැවිරිදි පුද්ගලයකු බව හදුනාගෙන තිබේ.
ප්‍රදේශයේ තිබූ සීසීටීවී දර්ශන පරීක්ෂා කිරීමේදී සැකකරු හඳුනාගෙන ඇති අතර, එම විද්‍යාලයේ විදුහල්පතිවරයා විසින් වවුනියාව පොලිසියට කරන ලද පැමිණිල්ලකට අනුව මෙම අත්අඩංගුවට ගැනීම සිදුකර තිබේ.
ඒ අනුව, සැකකරු වව්නියාව මහේස්ත්‍රාත් අධිකරණයට ඉදිරිපත් කිරීමට පොලිසිය කටයුතු කර ඇත.
