ඊයේ පස්වරුවේ කහතුඩුව පොලිස් වසමේ කහතුඩුව අධිවේගී පිටවීම අසල ප්‍රධාන මාර්ගය අසලදී කටුනායක සිවිල් ගුවන් සේවා අධිකාරියේ සේවයේ නියුතු දුලාංජලී අනුරුද්ධිකා මාපිටියගේ නමැති කාන්තාව ඝාතනය කළ බවට සැකකෙරෙන පුද්ගලයා අත්අඩංගුවට ගෙන ඇත.

එල්ලාවල ලියනගේ ඩන්ස්ටන් ප්‍රසාද් පෙරේරා (අවු. 47) නමැති අදාළ පුද්ගලයා විසින් එම කාන්තාව ඝාතනය කර එදිනම විදේශගතවීමට උත්සාහ කිරීමේදී, ගුවන්තොටුපොල පොලිස් ස්ථානය නිලධාරීන් ඔහුව අත්අඩංගුවට ගෙන තිබේ.

වහාම ක්‍රියාත්මක වු පොලිසිය සිද්ධිය සම්බන්ධයෙන් අධිකරණයට කරණු වාර්තා කර සැකකරුට එරෙහිව විදේශ ගමන් තහනමක්ද ගෙන ගුවන්තොටුපොල නිළධාරීන් දැනුවත් කර ඇත.