මඩකලපුව මූලස්ථාන කොට්ඨාසයට අයත් මඩකලපුව සින්න උපෝඩයි ගඟබඩ පාරේ කලපු ප්‍රදේශයේ තිබී නවීන ප්‍රබල අත්බෝම්බ 04ක් සොයා ගත් බව මඩකලපුව මූලස්ථාන පොලිස් ස්ථානයේ වාර්තා සඳහන් කරයි.

එම ප්‍රදේශයේ ධීවර කටයුතුවල නිරතව සිටි ධීවරයකු එම මාර්ගයේ ගමන් කරමින් සිටි නීතිඥයකුට ඒ පිළිබඳව දැනුම්දීමෙන් අනතුරුව, එම නීතිඥවරයා පොලිසියට ලබාදුන් තොරතුරක් මත එක් අත්බෝම්බයක් සොයාගෙන තිබේ.

එම බෝම්බය සොයාගැනීමෙන් අනතුරුව විනාඩි කිහිපයක් ඇතුළත එම ස්ථානය ආසන්න ප්‍රදේශයෙන් තවත් අත්බෝම්බ තුනක් ද සොයා මෙසේ සොයාගෙන තිබේ.

එම ස්ථානයට වහා පැමිණි විශේෂ මෙහෙයුම් බළකාය පවසා ඇත්තේ, මෙම අත්බෝම්බ සිංගප්පූරුවේ නිෂ්පාදිත ඒවා වියහැකි බවයි.

සිද්ධිය සම්බන්ධයෙන් මඩකලපුව මූලස්ථාන පොලිසිය වැඩිදුර පරීක්ෂණ පවත්වයි.(දිනමිණ)