දේවාලයක කපුවකු ලෙස වෙස්වලාගෙන සාස්තර කියමින් මත්කුඩු ජාවාරමේ යෙදුන ‘ෂෝටා’ නමැති අන්වර්ථ නාමයෙන් හදුන්වන පුද්ගලයකු අත්අඩංගුවට ගැනීමට වලාන මධ්‍යම දූෂණ මර්ධන ප්‍රහාරක ඒකකය සමත්ව ඇත.

රත්මලාන ප්‍රදේශයේ මත්කුඩු ජාවාරම් කරුවකුගේ බිරිඳක සිය අනියම් බිරිඳ ලෙස තබා ගනිමින්, ඇය සමග හොරණ ප්‍රදේශයට පැමිණ දෙදෙනා විසින් ජාවාරම සිදුකර ඇති බවට තොරතුරු ලැබී ඇතැයිද පොලිසිය සදහන් කරයි.

සැකකරු ඩුබායි රාජ්‍යයේ සැගව සිටිමින් මත්කුඩු ජාවාරම මෙහෙයවන ප්‍රධාන ජාවාරම් කරුවන් දෙදෙනෙකු ගේ මත්කුඩු මෙරට බෙදාහරින ප්‍රධාන ජාවාරම්කරුවෙකු බවද පොලිසිය සදහන් කරයි.

රත්මලාන, අගුලාන සහ කොළඹ අවට ප්‍රදේශයේ මත්කුඩු බෙදාහරින සැකකරු හොරණ, පොකුණුවිට කදන්හේන ප්‍රදේශයේ ජන ශූන්‍ය ප්‍රදේශයක කපුවකු ලෙස වෙස්වලාගෙන ජාවාරමේ නිරතවන බවට ලද තොරතුරක් සාස්තරයක් අසන මුවාවෙන් උපාය දූතයෙකු යොදා ආවේක්ෂණ රාජකාරි කර වැටළීම සිදුකර තිබේ.

යුක්තිය මෙහෙයුමෙන් බේරීම සදහා සැකකරු හොරණ ප්‍රදේශයට පළාවිත් ඇති බවද පොලිසිය වැඩිදුරටත් සදහන් කරයි.

ප්‍රධාන කපුවාට සැක නොසිතෙන ආකාරයට ජාවාරම කරගෙන ගොස් ඇති බවත් , සාස්තර කීමෙන් උපයන මුදලින් දේවාලය සංවර්ධනය කර දෙන බවට සැකකරු පොරොන්දුවී ඇති බවට දැනගැනීමට ලැබී ඇතැයිද සදහන් වේ.

එහිදී සැකකරු පරීක්ෂා කිරීමේදී රුපියල් ලක්ෂ තුනකට ආසන්න වටිනාකමකින් යුත් හෙරෝයින් මත්කුඩු තොගයක් සැකකරු සන්තකයේ තිබී හමුව ඇති බව පොලිසිය කීය.

සැකකරු හොරණ මහේස්ත්‍රාත් අධ්කරණයට ඉදිරිපත් කිරීමෙන් පසු රැදවුම් නියෝග ලබාගැනීමට නියමිත බවද පොලිස් ආරංචි මාර්ග සදහන් කරයි.