January 7, 2024
‘යුක්තිය’ මෙහෙයුම යටතේ දියත් කෙරුණු විශේෂ රථවාහන මෙහෙයුමේ අරමුණ ශ්‍රී ලංකා පොලිසිය විසින් පැහැදිලි කර ඇත.
ජනමාධ්‍ය වෙත අදහස් දක්වමින් රථවාහන අංශය භාර නියෝජ්‍ය පොලිස්පති ඉන්දික හපුගොඩ කියාසිටියේ, කොළඹින් බැහැරව මත්කුඩු ප්‍රවාහනය කිරීම නැවැත්වීමට සහ අවශ්‍ය සැකකරුවන් කොළඹින් වෙනත් ප්‍රදේශවලට පලායෑමේදී අත්අඩංගුවට ගැනීමට මෙම රථවාහන පරීක්ෂාව මූලිකව සිදුකෙරෙන බවයි.
පොලිස් නිලධාරීන් විසින් පරීක්ෂා කරන ලද වාහනවල ඉදිරිපස වීදුරුවේ වම්පස ඇලවීම සඳහා විශේෂ ස්ටිකරයක් භාවිත කරන බවත්, එවිට පසුව මුරපොළවල සිටින පොලිස් නිලධාරීන්ට දැනටමත් පරීක්ෂා කර ඇති වාහනයක් හඳුනාගත හැකි බවත් ඔහු පැහැදිලි කළේය.
