January 4, 2024
ශල්‍ය වෛද්‍යවරුන් නොමැතිකම හේතුවෙන් හෝමාගම මූළික රෝහලේ සියලුම ප්‍රධාන සැත්කම් අත්හිටුවීමට එහි පාලනාධිකාරියට සිදුව ඇතැයි වාර්තා වේ.
අභ්‍යන්තර ආරංචි මාර්ගවලට අනුව රෝහලට පත්කළ විශේෂඥ වෛද්‍යවරුන් දෙදෙනකු සාධාරණ හේතු මත පිටව ගොස් ඇත.
රෝහලේ ශල්‍ය වෛද්‍යවරුන් ලෙස සේවය කරමින් සිට තිබුණේ වෛද්‍ය ඩී.ලීලාරත්න සහ වෛද්‍ය ධම්මික වික්‍රමසේකරයි.
වෛද්‍ය ධම්මික වික්‍රමසේකර පසුගිය වසරේ ජුනි මාසයේදී විශ්‍රාම ගියේය.
ඔහු එක්සත් රාජධානියේ රැකියාවක් ලබාගත් අතර තවදුරටත් රෝහලේ සේවය නොකරයි.
කෙසේවෙතත්, සෞඛ්‍ය අමාත්‍යංශයේ ඉල්ලීම පරිදි ඔහු නැවත ශ්‍රම බලකායට සම්බන්ධ වූ පසු ශල්‍ය වෛද්‍ය ඒකකය ආවරණය කරමින් වෛද්‍ය ධම්මික වික්‍රමසේකර දෙසැම්බර් අවසානය දක්වා එහි සේවය කළේය.
වෛද්‍ය ඩී.ලීලාරත්න මීට මාස දෙකකට කලින්පෙර විදේශගත වී තිබේ.
පවතින ගැටලුව උග්‍ර කරමින් රෙජිස්ට්‍රාර්වරුද රෝහලෙලින් පිටව ගොස් ඇත්තේ, අධීක්ෂකවරයකු නොමැතිවීම හේතුවෙනි.
මෙම තත්ත්වය හමුවේ තුවාලවලට මැහුම් දැමීම වැනි සුළු සැත්කම් හැර අනෙකුත් සියලුම සැත්කම් අත්හිටුවා එවැනි රෝගීන් කොළඹ ජාතික රෝහලට මාරුකර යවා ඇති බව ආරංචි මාර්ග පවසයි.
මෙම තත්ත්වය පිළිබඳ අදහස් දක්වමින් සෞඛ්‍ය අමාත්‍යංශයේ ජ්‍යෙෂ්ඨ නිලධාරියෙක් පවසන්නේ, මේ සම්බන්ධයෙන් අවධානය යොමුකරමින් සිටින බවයි.
කෙසේවෙතත්, ආදේශන සොයාගැනීමට සැළකිව යුතු කාලයක් ගතවිය හැකි බව ද ඔහු සඳහන් කරයි.
මේ අතර, සෞඛ්‍ය අමාත්‍යංශය විසින් රාජ්‍ය නිලධාරීන්ට ජනමාධ්‍ය වෙත ප්‍රකාශ නිකුත් කිරීම තහනම් කර ඇති බැවින් හෝමාගම රෝහලේ අධ්‍යක්ෂ වෛද්‍ය ජයරුවන් බණ්ඩාර ඒ පිළිබඳ අදහස් දැක්වීම ප්‍රතික්ෂේප කළේය.
