ජපාන මුදල් ඇමැති ෂුනිචි සුසුකි (Shunichi Suzuki) ඊයේ පැවැසුවේ, ජපානයේ සබඳතා ශක්තිමත් කිරීම සඳහා ජනවාරි 09 සිට දින හතරක සංචාරයක් සඳහා තමා ශ්‍රී ලංකාට සහ කාම්බෝජයට පැමිණෙන බවයි.

ශ්‍රී ලංකාවේදී, සුසුකි ජනාධිපති රනිල් වික්‍රමසිංහ හමුවී රටේ ණය ප්‍රතිව්‍යුහගතකරණය කිරීම පිළිබඳව සාකච්ඡා කිරීමට බලාපොරොත්තු වේ.

නොවැම්බරයේදී ශ්‍රී ලංකාව, ජපානය ප්‍රමුඛ ණය දෙන්නන් කණ්ඩායම සමග ණය ආපසු ගෙවීම කල්දැමීම සහ පොළී අනුපාත අඩුකිරීම පිළිබඳ මූලික එකඟතාවකට එළැඹිණි.

“ණය ප්‍රතිව්‍යුහගතකරණය කිරීමේ ක්‍රියාවලිය ස්ථාවර ප්‍රගතියක් ලබාගැනීම සඳහා වැදගත් වේ” යනුවෙන් සුසුකි මාධ්‍ය හමුවකදී පැවැසීය.