December 20, 2023
ශ්‍රී ලංකා පොදුජන පෙරමුණ මීළඟ ජනාධිපතිවරණය සඳහා අපේක්ෂකයන් 4 දෙනෙකු සළකා බලමින් සිටින බව එම පෙරමුණේ මහලේකම් සාගර කාරියවසම් පවසයි.
මාධ්‍ය වෙත අදහස් දක්වමින් පාර්ලිමේන්තු මන්ත්‍රී කාරියවසම් කියා සිටියේ කෙසේවෙතත්, ජනාධිපති අපේක්ෂකයා සම්බන්ධයෙන් පක්ෂය තවමත් අවසන් තීරණයක් ගෙන නොමැති බවයි.
දැනට සළකා බලන අපේක්ෂක ලැයිස්තුව අතර ශ්‍රී ලංකාවේ ප්‍රකට ව්‍යාපාරික ධම්මික පෙරේරා ද සිටින බව ඔහු වැඩිදුරටත් අනාවරණ කළේය.
සුදුසුම අපේක්ෂකයා පක්ෂය නියෝජනය කරන බව පැවසූ පාර්ලිමේන්තු මන්ත්‍රී කාරියවසම්, ජනාධිපතිවරණයේදී ප්‍රබල තරගයක් පෙන්වීමට ශ්‍රී ලංකා පොදුජන පෙරමුණ සියලු ක්‍රියාමාර්ග ගනිමින් සිටින බව පැවසීය.
