කිරිබත්ගොඩ රාත්‍රී සමාජ ශාලාවකදී පෙරේදා (17) පුද්ගලයකු අහසට වෙඩි තැබීමේ සිද්ධිය සම්බන්ධයෙන් කාන්තාවක් ඇතුළු සිව්දෙනෙක් අත්අඩංගුවට ගෙන ඇත.

පෙරේදා අලුයම 02ට පමණ මෙම සිද්ධිය සිදුවී ඇති අතර, අපරාධකරු මෝටර් රථයකින් සගයන් සමඟ එම ස්ථානයෙන් පළාගොස් තිබේ.

බීමතින් සිටි බව කියන පුද්ගලයා ගැහැණු ළමයෙකු සම්බන්ධයෙන් ආරවුලක් ඇතිකරගෙන ඇති අතර, එහි ප්‍රතිඵලයක් ලෙස සමාජ ශාලාව තුළදී වෙඩිතැබීම් හතරක් සහ පිටතින් වෙඩිතැබීම් දෙකක් සිදුව ඇති බව පොලිසිය සඳහන් කරයි.

සිද්ධියෙන් තුවාල හෝ දේපළ හානි කිසිවක් වාර්තා වී නොමැත.

වයස අවුරුදු 20ත් 25ත් අතර වයස්වල පසුවන සැකකරුවන් රාගම පොලිසිය අත්අඩංගුවට ගෙන ඇති අතර, ඔවුන් සතුව තිබී හෙරොයින් මිලිග්‍රෑම් 5200ක් ද අත්අඩංගුවට ගෙන ඇත.

රාගම සහ මෝදර ප්‍රදේශවල පදිංචි සැකකරුවන් වැලිසර මහේස්ත්‍රාත් අධිකරණයට ඉදිරිපත් කිරීමෙන් අනතුරුව වැඩිදුර ප්‍රශ්න කිරීම සඳහා රඳවා තබා ගෙන තිබේ.