නව ජාතික හැඳුනුම්පතක් හෝ හැඳුනුම්පතක අනුපිටපතක් ලබා ගැනීම සදහා ඉල්ලුම් කරන පුද්ගලයකුගෙන් ඩිජිටල් ඡායාරූප පිටපත් ලබාගැනීම සදහා ලියාපදිංචි ඡායාරූප ශිල්පියකු විසින් අයකළ යුතු උපරිම ගාස්තුව රුපියල් 400ක් ලෙස ඉහළ නංවා ඇත.

මේ පිළිබඳව දක්වමින් මහජන ආරක්ෂක අමාත්‍යාංශය අතිවිශේෂ ගැසට් නිවේදනයක්ද නිකුත් කර තිබේ.

මීට පෙර මේ සදහා අය කරන ලද උපරිම ගාස්තුව ලෙස සදහන් වුයේ, රුපියල් 150කි.

පුද්ගලයන් ලියාපදිංචි කිරීමේ දෙපාර්’තමේන්තුවේ e-photo studio මෘදුකාංග පද්ධතියට ඩිජිටල් ඡායාරූප උඩුගත කිරීමේ ක්‍රියාවලිය විධිමත් කිරීම මෙම වෙනසෙහි අරමුණ බව අමාත්‍යංශය සදහන් කර තිබේ.