December 19, 2023
මෙරට ප්‍රකට ව්‍යාපාරිකයකු වන ධම්මික පෙරේරා සිය දේශපාලන පක්ෂයට සම්බන්ධවී ඇති බවට පළවන වාර්තා ශ්‍රී ලංකා පොදුජන පෙරමුණ ප්‍රතික්ෂේප කරයි.
2024 වසරේ පැවැත්වීමට නියමිත ජනාධිපතිවරණයේ අපේක්ෂක ධූරය සහ දැනට බැසිල් රාජපක්ෂ දරන කාර්යභාරයක් වන ශ්‍රී ලංකා පොදුජන පෙරමුණේ ජාතික සංවිධායක ධූරය ධම්මික පෙරේරා වෙත ලබාදීමට එම පක්ෂය තීරණය කර ඇති බව මෑතක දී වාර්තා විය.
නිවේදනයක් නිකුත් කරමින් ශ්‍රී ලංකා පොදුජන පෙරමුණ එම වාර්තා ප්‍රතික්ෂේප කරමින් පවසන්නේ, එවැනි තීරණ පක්ෂය විසින් ගෙන නොමැති බවයි.
එවැනි තීරණ ගැනීම සඳහා පක්ෂයේ විධායක සභාව රැස්විය යුතු බවත් එම කමිටුව පසුගිය සෙනසුරාදා (දෙසැ 15) සිට රැස්වී නොමැති බවත් ශ්‍රී ලංකා පොදුජන පෙරමුණ වැඩිදුරටත් ප්‍රකාශ කරයි.
පොදුජන පෙරමුණේ දෙවැනි සම්මේලනය පසුගිය සිකුරාදා කොළඹදී පැවැති අතර, ඊට ධම්මික පෙරේරාද සහභාගී විය.
