නවසීලන්තයේ ජොන්සන්විල් ක්‍රිකට් සමාජයේ පළමු පූර්ණකාලීන පුහුණු හා සංවර්ධන අධ්‍යක්ෂවරයා ලෙස ශ්‍රී ලංකා හිටපු ටෙස්ට් පිතිකරු මලින්ද වර්ණපුර බඳවාගෙන තිබේ.

වර්ණපුර ශ්‍රී ලංකාව වෙනුවෙන් ටෙස්ට් තරග 14කට සහ එක්දින තරග තුනකට ක්‍රීඩා කළ අතර, ශ්‍රී ලංකා කාන්තා පිලේ පිතිකරණ උපදේශක ඇතුළු ප්‍රධාන පුහුණුකරු භූමිකාවන් දරා ඇත.

ඔහු නවසීලන්තයට යෑම ගැන සාකච්ඡා කිරීමට ඇඩම් කූපර් සමඟ එක් විය.

2007 වසරේ සිට 2009 වසර දක්වා ඔහු ශ්‍රී ලංකාව නියෝජනය කරමින් අන්තර්ජාතික තරග සඳහා සහභාගී වී තිබේ.

ආරම්භක පිතිකරු ලෙස ක්‍රීඩා කරමින් ඔහු සිය තරග 14දී ලකුණු 821ක් ලබාගෙන ඇති අතර ශතක 2ක් සහ අර්ධ ශතක 7ක් ඊට ඇතුළත් වේ.

ටෙස්ට් වරම් ලැබීමෙන් පසු ශ්‍රී ලංකා කණ්ඩායමට නායකත්වය දුන් පළමු නායකයා වන බන්දුල වර්ණපුර මලින්දගේ සමීප ඥාතියෙකි.