December 18, 2023
කිරිබත්ගොඩ රාත්‍රී සමාජ ශාලාවක් තුළ අද (18) අලුයම වෙඩි තැබීමක් සිදුව ඇතැයි පොලිසිය පවසයි.
පොලිස් මාධ්‍ය ප්‍රකාශක කාර්යාලය සඳහන් කළේ, කිරිබත්ගොඩ ගල හන්දියේ හෝටලයක් තුළ පිහිටි රාත්‍රී සමාජ ශාලාවක මෙම වෙඩිතැබීම සිදුව ඇති බවයි.
මෝටර් රථයකින් පැමිණි නාඳුනන පුද්ගලයන් රාත්‍රී සමාජ ශාලාව තුළ සහ ඉන් පිටතදී වෙඩි තබා ඇති බව පොලිසිය සඳහන් කරයි.
අලුයම 02.00ට පමණ සිදුවූ මෙම වෙඩි තැබීමෙන් තුවාල ලබා හෝ ජීවිත හානි කිසිවක් වාර්තා වී නොමැත.
පෞද්ගලික ආරවුලක් මත මෙම වෙඩිතැබීම සිදුකර ඇති බවයි පොලිසිය වැඩිදුරටත් සඳහන් කරයි.
