අධිකරණයට අපහාස කිරීමේ වරද සම්බන්ධයෙන් හිටපු ක්‍රීඩා ඇමැති රොෂාන් රණසිංහට එරෙහිව ක්‍රියාමාර්ග ගන්නා ලෙස නියෝගයක් නිකුත් කරන ලෙස ඉල්ලා අධිකරණයට අපහාස කිරීමේ පෙත්සමක් අභියාචනාධිකරණයට ඉදිරිපත් කර තිබේ.

වෘත්තියෙන් නීතීඥවරයකු වන පෙත්සම්කාර දිමිත්‍රි ශිරාස් ඔගස්ටස් පියට්‍රංගේලි විසින් නීතිඥ සුභාෂිනී ජ. පතිරණගේ හරහා, 2023 නොවැම්බර් 08 වැනි දින පාර්ලිමේන්තු සැසිවාරයක් අතරතුර හිටපු ක්‍රීඩා ඇමැතිවරයා අපහාසාත්මක ලෙස හැසිරී ඇති බව පවසමින්, එම හැසිරීම අභියෝගයට ලක්කර ඇත.

ආණ්ඩුක්‍රම ව්‍යවස්ථාවේ 105(3) වගන්තිය යටතේ අධිකරණයට අපහාස කිරීම සම්බන්ධයෙන් හිටපු ඇමැතිවරයාට දඩුවම් නියම කරන ලෙස පෙත්සම්කරු වැඩිදුරටත් ඉල්ලා සිටී.

වගඋත්තරකාර හිටපු අමාත්‍යවරයා නොවැම්බර් 8 වැනි දින පාර්ලිමේන්තු සැසිවාරයකදී විනිසුරු නිශ්ශංක බන්දුල කරුණාරත්න විසින් අතුරු නියෝග නිකුත් කිරීමට හේතු වූ බව කියන චේතනාවන් සම්බන්ධයෙන් චෝදනා කිහිපයක් ඉදිරිපත් කළ බව පෙත්සම්කරු සඳහන් කර තිබේ.