පසුගිය වසරේ උඩුගම්පොළ ප්‍රදේශයේ සිදුවූ මාරාන්තික වෙඩි තැබීමකට සම්බන්ධ ගිනි අවියක් පොලිසිය විසින් රඳවාගෙන සිටි ගණේමුල්ලේ සංජීව නමැති පාතාල නායකයාගෙන් ප්‍රශ්න කිරීමේදී සොයාගෙන තිබේ.

‘ගණේමුල්ල සංජීව’ නමැති සංවිධානාත්මක අපරාධකරු වන සංජීව කුමාර ධර්මරත්නගෙන් මේ වනවිට බස්නාහිර පළාත් උතුර අපරාධ කොට්ඨාසයේ නිලධාරීන් වීරගුල පොලිසියේ ප්‍රශ්න කිරීම් සිදුකරයි.

2022 අගෝස්තු 06 වැනිදා උඩුගම්පොලදී බාබර් සාප්පුවක සේවකයකුට වෙඩිතබා ඝාතනය කිරීමේ සිද්ධියට අදාළව මුල්ලේරියාවේ කැලෑවක සඟවා තිබූ පිස්තෝලයක් සහ පතොරම් පොලිසිය මෙලෙස සොයාගෙන ඇත.