ඊයේ ජනාධිපතිවරයා විසින් පාර්ලිමේන්තුවට ඉදිරිපත් කළ 2024 අයවැයට අනුව, බදු පරිපාලනය සහ බදු ප්‍රතිපත්ති සංශෝධනය වැඩිදියුණු කිරීමේ ක්‍රියාමාර්ගයක් ලෙස, ජනතාව සිදුකරන පහත සඳහන් ක්‍රියා 04දී අනිවාර්යයෙන් බදු අංකයක් හඳුන්වාදීමට පියවර ගැනීමට නියමිතය.

ඒ අනුව,

01) ඕනෑම බැංකුවක බැංකු ජංගම ගිණුමක් විවෘත කිරීමේදී,

02) අයදුම්කරු විසින් ගොඩනැගිලි සැලැස්මක් සඳහා අනුමැතිය ලබාගැනීමේදී,

03) හිමිකරු විසින් මෝටර් වාහනයක් ලියාපදිංචි කිරීම හෝ බලපත්‍රය අලුත් කිරීමේදී,

04) ගැනුම්කරු විසින් ඉඩමක් හෝ ඉඩමක් සඳහා හිමිකම් ලියාපදිංචි කිරීමේදී,

බදු හඳුනාගැනීමේ අංකය අනිවාර්ය අවශ්‍යතාවයක් බවට පත් කර තිබේ.

ඉදිරියේදී මේ සඳහා අවශ්‍ය ක්‍රියාමාර්ග දේශීය ආදායම් දෙපාර්තමේන්තුව විසින් ගනු ඇත.