November 12, 2023
මෙරට අපරාධ ක්‍රියාවලට සම්බන්ධ බවට සැකකෙරෙන 41 හැවිරිදි පුද්ගලයකු ඉන්දියාවේ මණ්ඩපම් පොලිසිය විසින් රාමේෂ්වරම්හිදී අත්අඩංගුවට ගෙන තිබේ.
ධනුෂ්කොඩි – අරිචල්මුනේ වෙරළ තීරයේ රාජකාරියේ යෙදී සිටි උප පොලිස් පරීක්ෂක මොහොමඩ් තාරික් අමීන් ප්‍රමුඛ විශේෂ මුර සංචාර කණ්ඩායමකට වෙරළ දිගේ ඇවිද යමින් සිටි සැකකරු හමුවූ බව පොලිසිය පවසයි.
ඔහුගෙන් ප්‍රශ්න කිරීමේදී අපරාධ ක්‍රියාවලට සම්බන්ධ බවට අත්අඩංගුවට ගනු ඇතැයි බියෙන් ශ්‍රී ලංකාවෙන් පලාගොස් ඇති බව සොයාගෙන ඇත.
ඔහු බෝට්ටුවෙන් ධනුෂ්කොඩි වෙත ළඟා වී ඇත්තේ ඊයේ හිමිදිරියේය.
ඔහු එල්.ටී.ටී.ඊ සංවිධානයේ අනුගාමිකයෙකු බවත්, ශ්‍රී ලංකා පොලිසිය විසින් අත්අඩංගුවට ගනු ඇතැයි බියෙන් සිටින බවටත් කටකතා පවතින බවද වාර්තා වේ.
විශ්වාස කටයුතු ආරංචි මාර්ග සඳහන් කළේ, චෙන්නායිහි මධ්‍යම සහ රාජ්‍ය ආයතනවල නිලධාරීන් කණ්ඩායමක් විත්තිකරුගේ ඉතිහාසය විමසා ඇති බවයි.
එල්.ටී.ටී.ඊ සංවිධානය සමඟ ඔහුගේ සබඳතා තහවුරු කිරීමට ශ්‍රී ලංකා බලධාරීන්ට සිදු වූ බව එම මූලාශ්‍රය වැඩිදුරටත් සඳහන් කළේය.
සැකකරුට එරෙහිව නඩුවක් ගොනුකර ඇති අතර විත්තිකරු රාමේෂ්වරම් අධිකරණ මහේස්ත්‍රාත්වරයා වෙත ඉදිරිපත් කර චෙන්නායිහි පුසාල් මධ්‍යම බන්ධනාගාරය වෙත රැගෙන යාමට නියමිත බව මණ්ඩපම් පොලිසිය සඳහන් කරයි.
