මහනුවර – මහියංගන මාර්ගයේ තෙල්දෙණිය, රඹුක්වැල්ල ප්‍රදේශයේ පළතුරු අලෙවිසැලක් මතට පස් කන්දක් කඩාවැටීමෙන් එහි සිටි 37 හැවිරිදි කාන්තාවක් ජීවිතක්ෂයට පත්ව තිබේ.

ඊයේ රාත්‍රියේ මෙලෙස මියගොස් ඇත්තේ පළතුරු අලෙවිසැලේ හිමිකාරිය බව පොලිසිය පවසයි.

පස් කන්දට යටවී සිටි කාන්තාව පොලිසිය විසින් ප්‍රදේශවාසීන්ගේ සහාය ඇතිව සොයාගෙන තෙල්දෙණිය රෝහලට ඇතුළත් කළද ඒ වන විටත් ඇය මියගොස් තිබේ.

මෙලෙස මියගොස් ඇත්තේ තෙල්දෙණිය රඹුක්වැල්ල ප්‍රදේශයේ පදිංචිකාරියකි.