October 30, 2023
නව තීරණය සමාලෝචනය කරන ලෙස ඇතැම් රටවල් බලපෑම් කළද නීතිවිරෝධී ලෙස රට තුළ ජීවත් වන සියලුම විදේශිකයන් පිටුවහල් කිරීමට පාකිස්තානය ගත් තීරණයේ කිසිදු නම්යශීලී බවක් නොපෙන්වයි.
“අපි අපේ තීරණයට දැඩිව සිටිනවා. කිසිදු නම්යශීලී බවක් නැත. නීතිවිරෝධී ලෙස රට තුළ වෙසෙන සියලුම විදේශිකයන්ට ඔක්තෝබර් 31 අවසන් දිනයට රටින් පිටවීමට සිදුවනු ඇත.” යැයි පාකිස්තාන රජය ප්‍රකාශ කරයි.
පකිස්ථානයේ මෙම පියවරෙන් පසු ඇතැම් රටවල් එම තීරණය සමාලෝචනය කරන ලෙස ඉල්ලා සිට තිබේ.
කෙසේවෙතත් සරණාගත තත්ත්වය ඇති හෝ වලංගු ලියකියවිලි ඇති පුද්ගලයින්ට එරෙහිව කිසිදු පියවරක් නොගන්නා බව රජය ප්‍රකාශ කර ඇත.
විශේෂයෙන්, දහස් ගණන් ඇෆ්ගන් ජාතිකයන් පකිස්ථානයේ ප්‍රතිපත්තිය මගින් ඉවත් කිරීමට හේතු වනු ඇතැයි එක්සත් ජනපදය සහ ඇතැම් යුරෝපීය රටවල් කනස්සල්ලට පත්ව සිටියි.
එවැනි ඇෆ්ගන් ජාතිකයන් දහස් ගණනක් එක්සත් ජනපදයට හෝ යුරෝපීය රටවලට සංක්‍රමණය වීමට වීසා බලපත්‍ර එනතුරු බලා සිටිති.
පකිස්ථානය සහ ඇෆ්ගනිස්ථානය අතර පසුගියදා පැවති ලෝක කුසලාන තරඟයේදී ඇෆ්ගනිස්ථාන ආරම්භක පිතිකරු තරඟයේ වීරයා සම්මානය පාකිස්තානයෙන් පිටුවහල් කරන ලද ඇෆ්ගනිස්ථානුවන්ට කැප කළේය.
