October 19, 2023
තරුණ විරැකියාව ගෝලීය ගැටලුවකි. එහෙත් චීනයේ එහි අනුපාතය සියයට 21.3ක් තරම් තැතිගන්වන සුළුය.
එය බියකරු වන්නේ මෙතරම් ඉහළ මට්ටමක පවතින නිසා පමණක් නොව, එය අනෙකුත් ආර්ථිකයන්ට සහ භූ දේශපාලන සබඳතාවලට බලපෑ හැකි බැවිනි.
මෙම අනුපාතය 2018 මැයි මාසයේ පූර්ව කොවිඩ් අනුපාතය මෙන් දෙගුණයකටත් වඩා වැඩි ය.
චීනයේ ජාතික සංඛ්‍යාලේඛන කාර්යාංශය විසින් “ශ්‍රම බලකා සමීක්ෂණ සංඛ්‍යාලේඛන වැඩිදියුණු කිරීමට සහ ප්‍රශස්ත කිරීමට” අවශ්‍ය බැවින් මෙලෙස විරැකියාවට මුහුණදෙන පිරිසේ නිශ්චිත දත්ත තවදුරටත් වාර්තා නොකරන බව නිවේදනය කිරීමත් සමග තත්වයේ බරපතලකම ලොවටම අනුමාන කළ හැකිව තිබේ.
Hukou නම් ක්‍රමය යටතේ, චීනයේ පවුල් ලියාපදිංචි කිරීම අවශ්‍ය වන අතර, බලධාරීන් ඔවුන් ජීවත් වන සහ වැඩ කරන ස්ථානය සහ ඔවුන්ට ප්‍රවේශ විය හැකි පොදු සේවාවන් මොනවාද යන්න තීරණය කරනු ලබයි.
ඒ අනුව බොහෝ විට ග්‍රාමීය පදිංචිකරුවන් නාගරික අවස්ථා වලින් ප්‍රයෝජන ගැනීම නවත්වන අතර එමඟින් ඔවුන්ගේ රැකියා අපේක්ෂාවන් සීමාවේ.
චීනයේ යෞවනයන්ට සමාජ ප්‍රාග්ධනය රැස් කර ගත නොහැකි අතර, ගැලවී යාමට අපහසු විෂම චක්‍රයකට පැටළී ඇත.
මෙය අධ්‍යාපනය සඳහා ඔවුන්ගේ ආයෝජනයෙන් ලැබෙන ප්‍රතිලාභය අඩුකරන අතර, වෘත්තීය පරිසර පද්ධතියේ බිඳවැටීමක් නිර්මාණය කර තිබේ.
