අතුරුදහන් වූ බලුච් සිසුන් පිරිසකගේ ප්‍රශ්නය සම්බන්ධයෙන් විමර්ශන කොමිෂන් සභාවක නිර්දේශ ක්‍රියාවට නැංවීම පිළිබඳ වාර්තාවක් ඉදිරිපත් කිරීම සඳහා පකිස්ථාන රජයට ඉස්ලාමාබාද් මහාධිකරණය විසින් පසුගිය සතියේ තවත් මාසයක් ලබා දී ඇති බව ද නිව්ස් ඉන්ටර්නැෂනල් වාර්තා කරයි.

බලහත්කාරයෙන් රැගෙන ගිය බවට වාර්තා වන බලුච් සිසුන්ගේ ඥාතීන් ඔවුන් සොයමින් සිටින බව විනිසුරුවරයා සඳහන් කළ අතර ඔවුන් සොයා ගැනීමට රජය සිය කාර්යභාරය නිවැරදිව ඉටු කරන ලෙසද විනිසුරුවරයා ඉල්ලා සිටි බව ද නිව්ස් ඉන්ටර්නැෂනල් වාර්තාව සඳහන් කරයි.

මානව හිමිකම් වෙනුවෙන් පෙනී සිටින සහ නීතිඥයෙකු වන ඉමාන් මසාරි අදාළ කොමිසමේ සොයාගැනීම් ක්‍රියාත්මක කරන ලෙස ඉල්ලා අධිකරණයට පෙත්සමක් ඉදිරිපත් කර තිබුණි.

පාකිස්තානයේ බලහත්කාරයෙන් අතුරුදන් කිරීමේ සිද්ධීන් සම්බන්ධයෙන්, එරට නීතිය ක්‍රියාත්මක කරන ආයතන වගකිව යුතු බවට මානව හිමිකම් ක්‍රියාකාරීහු නැවත නැවතත් චෝදනා කරති.

බලහත්කාරයෙන් අතුරුදහන් කරවීම්, පාකිස්ථාන බලධාරීන් විසින් රටේ සර්ව බලධාරී හමුදාව සම්බන්ධයෙන් ප්‍රශ්න කරන හෝ පුද්ගලන් හෝ සමාජ අයිතීන් අපේක්ෂා කරන පුද්ගලයින් ත්‍රස්ත කිරීමට මෙවලමක් ලෙස භාවිතා කරයි.