තමිල්නාඩුවේ නැගෙනහිර වෙරළේ නාගපට්ටිනම් සහ ශ්‍රී ලංකාවේ උතුරු පළාතේ කන්කසන්තුරේ අතර අන්තර්ජාතික, අධිවේගී මගී යාත්‍රා සේවාව දශක හතරකට ආසන්න කාලයකට පසු අද පෙරවරුවේ නැවත ආරම්භ විය.

ඉන්දීය වරාය, නාවික සහ ජල මාර්ග පිළිබඳ මධ්‍යම ඇමැති සර්බානන්ද සොනොවාල් සහ තමිල්නාඩු ප්‍රසිද්ධ වැඩ, මහාමාර්ග සහ කුඩා වරාය පිළිබඳ ඇමැති ඊ.වී. වේලු විසින් නාගපට්ටිනම් වරායේ සිට යාත්‍රාවේ ගමන් ආරම්භය සඳහා විධානය ලබාදුන්නේය.

චෙරියපානි නම් මෙම අධිවේගී යාත්‍රාව, කපිතාන් බිජු ජෝර්ජ්ගේ ප්‍රධානත්වයෙන් මගීන් 50 ක් සහ කාර්ය මණ්ඩලයේ 12 දෙනකු සමඟ නාගපට්ටිනම් වරායෙන් පෙරවරු 8.15ට පමණ එහි ගමන ආරම්භ කළේය.

වීඩියෝ පණිවුඩ මගින් ඉන්දීය අගමැති නරේන්ද්‍ර මෝදි සහ ශ්‍රී ලංකා ජනාධිපති රනිල් වික්‍රමසිංහ මෙම රාජ්‍ය තාන්ත්‍රික ප්‍රයත්නය අගය කළ අතර, ජාතීන් දෙක අතර යාත්‍රා සේවාව දියත් කිරීමේ වැදගත්කම අවධාරණය කළේය.

ඉන්දියාවේ නැව් සංස්ථාව ප්‍රවේශපත්‍ර අලෙවි කිරීම සඳහා පෞද්ගලික ආයතනයකට සම්බන්ධ වී ඇත.

මෙම යාත්‍රාවෙහි මගීන් 150 දෙනෙකුට ගමන් කළ හැකි අතර පෙරවරු 07ට නාගපට්ටිනම් සිට ආරම්භ වී පෙරවරු 11ට කන්කසන්තුරය වෙත ළඟා වන අතර, ආපසු ගමන පස්වරු 01.30 ට ආරම්භ වේ. එය පස්වරු 05.30ට නාගපට්ටිනම් වෙත ළඟා වේ.

Going to Sri Lanka become easier from south. Ferry service resumes after 41 years between India and Sri Lanka. Starting from Tamil Nadu's Nagapattinam to Sri Lanka's Kankesanturai will take 3-4 hours & one can carry 55 kg baggage
pic.twitter.com/VPFNw3AF58

— Sanjay Bragta (@SanjayBragta) October 14, 2023