ශ්‍රී ලංකා රක්‍ෂණ සංස්ථාව විසින් ලෝක සත්ව දිනයට සමගාමීව ලබන බදාදා සුරතල් සතුන් වෙනුවෙන් රක්‍ෂණ යෝජනා ක්‍රමයක් දියත් කිරීමට නියමිතය.

මෙම රක්ෂණ ආවරණය වන ‘පෙට්ෂුවරන්ස්’ (Petsurance) ආරම්භක අදියරේදී සුරතල් සුනඛයන් කෙරෙහි අවධානය යොමු කරනු ඇත.

මෙම ව්‍යාපෘතිය සාර්ථක වුවහොත් එය අනෙකුත් සතුන් වෙත ද ව්‍යාප්ත කිරීමට අපේක්ෂා කෙරේ.

පෙට්ෂුවරන්ස් මගින් සංජානනීය සහ පෙර පැවති තත්ත්වයන් හැර හදිසි රෝගාබාධ සහ අසනීප සඳහා වෛද්‍ය රක්ෂණ ආවරණයක් ලබා දේ.

එය හදිසි අනතුරු සඳහා ද ආවරණයක් සපයයි.

මුළු වාර්ෂික වාරිකය රුපියල් 125,000ක් වන අතර, එය වසරකට උපරිම වශයෙන් රුපියල් 550,000ක් ආවරණය කරයි.

මෙම රක්ෂණාවරණය සුරතල් සතුන් හිමිකරුවන්ට අධික පිරිවැයකින් තොරව තම සුරතල් සතුන් සඳහා වෛද්‍ය ප්‍රතිකාර ලබාගැනීමට අවස්ථාව ලබා දෙන බව ශ්‍රී ලංකා රක්‍ෂණ සංස්ථාව සඳහන් කරයි.