2024 වසර සඳහා පුද්ගලයන්ට සහ ආයතනවල ලබාදී ඇති ගිනි අවි සඳහා වන බලපත්‍ර අලුත් කිරීම 2023 ඔක්තෝබර් සිට දෙසැම්බර් දක්වා සිදු කෙරෙන බව ආරක්ෂක අමාත්‍යාංශය අද නිවේදනය කළේය.

අමාත්‍යාංශයේ නිවේදනයට අනුව, 2024 වර්ෂය සඳහා ගිනි අවි බලපත්‍ර අලුත් කිරීම 2023 ඔක්තෝබර් 01 සිට දෙසැම්බර් 31 දක්වා සිදුකෙරේ.

2024 වසර සඳහා ගිනි අවි බලපත්‍ර අලුත් කිරීම දෙසැම්බර් 31 වැනිදායින් පසු සිදු නොකරන බව ආරක්ෂක අමාත්‍යාංශය ප්‍රකාශ කරයි.

2024/2025 වසර සඳහා පෞද්ගලික ආරක්ෂක ආයතන ලියාපදිංචිය අලුත් කිරීම ද 2023 ඔක්තෝබර් 01 සිට දෙසැම්බර් 31 දක්වා සිදු කෙරේ.

ආරක්ෂක අමාත්‍යාංශය ප්‍රකාශ කරන්නේ, නියමිත කාලයෙන් පසුව සිදුකරන ඕනෑම අලුත් කිරීමක් දඩයකට හෝ නීතිමය ක්‍රියාමාර්ගයකට යටත් වන බවයි.