දේශීය ඉන්ධන සිල්ලර වෙළෙඳපොළට පසුගියදා පිවිසි චීනයේ සයිනොපෙක් ඉන්ධන තෙල් අලෙවි සමාගම මේ වසරේ ඔක්තෝම්බර් මාසයේදී දේශීය තෙල් පිරිපහදු වෙළෙඳපොළට පිවිසෙන බව විදුලිබල හා බලශක්ති ඇමැති කංචන විජේසේකර ඊයේ ප්‍රකාශ කළේය.

සයිනොපෙක් සමාගම දේශීය ඉන්ධන පිරිපහදු කර්මාන්තයට පිවිසීමේ සැලසුම් ලබන මාසයේදී අවසන් කරන බව කොළඹ පැවති සයිනොපෙක් අලෙවි නියෝජිත උපහාර උළෙලකදී ඇමැතිවරයා වැඩිදුරටත් පැවැසීය.