September 18, 2023
ඊයේ පැවැති ආසියානු කුසලාන අවසන් මහා තරගයේදී ශ්‍රී ලංකාව ලැබූ පරාජයට දේශපාලනය සම්බන්ධ දැයි ජනමාධ්‍ය හමුවකදී ජනමාධ්‍යවේදීන් නැගූ ප්‍රශ්නයකට පිළිතුරු දෙමින් සමගි ජන බලවේගයේ මන්ත්‍රීවරයකු පැවසුවේ ඒ පිළිබඳව හේතු දැනගැනීම සඳහා පරීක්ෂණයක් පැවැත්විය යුතු බවයි.
සමගි ජන බලවේගයේ ජාතික සංවිධායක සහ පාර්ලිමේන්තු මන්ත්‍රී තිස්ස අත්තනායක සඳහන් කරන ලද්දේ, ඉරිදා ශ්‍රී ලංකාව ලැබූ පරාජය 2023 සැප්තැම්බර් 17 ඉරිදා උපන් දිනය යෙදෙන ඉන්දීය අගමැති නරේන්ද්‍ර මෝදිට ලබාදුන් උපන්දින තෑග්ගක් ද යන්න විමසිය යුතු බවයි.
ඉරිදා දිනයේදී තරගයේ දැඩි සටන්කාමීතත්වයක් සෑම දෙනාම අපේක්ෂා කළ නමුත්, එය එසේ නොවූයේ තරගය පැය කිහිපයක් ඇතුළත අවසන් වූ බැවින් බව පෙන්වාදෙන මන්ත්‍රීවරයා, එම පරාජයට දේශපාලනයක් බලපා ඇත්ද යන්න පිළිබඳව පරීක්ෂණයක් පැවැත්විය යුතු බව පෙන්වාදී තිබේ.
මේ සම්බන්ධයෙන් පරීක්ෂණයක් පැවැත්වීමේ කාර්යය ක්‍රීඩා අමාත්‍යාංශයට පැවරිය යුතු දැයි විමසූ විට මන්ත්‍රීවරයා කියාසිටියේ, එම අමාත්‍යාංශය වංචාවලින් පිරී ඇති බවයි.
