නියමිත පරීක්ෂණ අවසන් නොකිරිම හේතුවෙන් මේ වසරේ මුල් භාගයේදී කන්ටේනර් 965ක් පමණ වරාය පර්යන්ත තුළ හෝ රේගු අංගණවල තැන්පත් කර ඇති බව කාරක සභාවක් විසින් පාර්ලිමේන්තුවට ඉදිරිපත් කළ වාර්තාවකින් අනාවරණය කර තිබේ.

කමිටු වාර්තාවේ සඳහන් වන්නේ විමර්ශන අවසන් නොකිරීම සහ විභාග වෙමින් පවතින නඩු කටයුතු අවසන් නොකිරීම මෙම තත්ත්වයට එක් හේතුවී ඇති බවයි.

රේගු විමර්ශන සහ අභියාචනා කෙටි කාලයක් තුළ අවසන් කළ යුතු නමුත්, මෙම තත්වය හේතුවෙන් ආනයනකරුවන් සහ අපනයනකරුවන් කලකිරීමට පත්ව ඇතැයි වාර්තාව පෙන්වාදී ඇත.

රේගු ආඥාපනත 21 වැනි සියවසට සමාන වන පරිදි සංශෝධනය කිරීමට නිර්දේශ කර ඇති අතර, රේගු නිලධාරීන්ගේ කළමනාකාරිත්වයට සහ වන්දි අරමුදලට (ත්‍යාග අරමුදලට) බැර කරන මුදල් ප්‍රතිශතය අඩු කිරීම සඳහා ආඥාපනත සංශෝධනය කළ යුතු බවටද නිර්දේශ කර ඇත.