ඉන්දියාවේ පළමු සූර්ය මෙහෙයුම වන ආදිත්‍ය-එල් 1 අභ්‍යවකාශ යානය පළමු පෘථිවි කක්ෂයේ සිට දෙවැන්නට සාර්ථකව උපාමාරුව සිදුකර ඇති බව ඉන්දීය අභ්‍යවකාශ පර්යේෂණ සංවිධානය (ISRO) සැප්තැම්බර් 05 වැනිදා ප්‍රකාශ කළේය.

ට්විටර් පණිවුඩයක් නිකුත් කරමින් ISRO පවසා ඇත්තේ, “ආදිත්‍ය-එල් 1 මෙහෙයුම: දෙවන පෘථිවි-බැඳුම් උපාමාරුව(EBN#2) බෙංගාලූරුවේ ISTRAC වෙතින් සාර්ථකව සිදු කෙරේ. ISTRAC/ISRO හි මොරිෂස්, බැංගලෝර් සහ පෝට් බ්ලෙයාර් හි භූමි ස්ථාන මෙම මෙහෙයුමේදී චන්ද්‍රිකාව නිරීක්ෂණය කරන ලදී. ළඟා වූ නව කක්ෂය කිලෝමීටර 282 x 40225 කි.” යනුවෙනි.

මීළඟ උපාමාරුව (EBN#3) සැප්තැම්බර් 10 වැනිදා අලුයම 02:30 ට පමණ සිදුකිරීමට නියමිත බව අභ්‍යවකාශ ඒජන්සිය පවසයි.

පෘථිවිය වටා ගමන් කරන මෙම චන්ද්‍රිකාව එවැනි කක්ෂ උපාමාරු පහක් සිදුකරනු ඇත.

කක්ෂීය උපාමාරුවක්, පිළිස්සීමක් ලෙසද හැඳින්වේ. එය අභ්‍යවකාශ ගමනකදී සිදුකෙරෙන සාමාන්‍ය ක්‍රියාවලියකි. මෙම ක්‍රියාවලියට රොකට්ටුවකින් බලය ලබාගැනීම සහ කෝණ ගැලපීමද ඇතුළත් වේ.

චන්ද්‍රයාන් – 3 සඳෙහි දක්ෂිණ ධ්‍රැවය ආසන්නයට සාර්ථකව ගොඩබැස්සවීමෙන් පසු, ISRO විසින් සෙනසුරාදා ශ්‍රීහරිකෝටා හි සතිෂ් ධවාන් අභ්‍යවකාශ මධ්‍යස්ථානයෙන් රටේ ප්‍රථම සූර්ය මෙහෙයුම Aditya-L1 දියත් කරන ලදී.

ආදිත්‍ය L1 චන්ද්‍රිකාව දින 16ක් පෘථිවි කක්ෂයේ පවතිනු ඇත.