මාරක රිය අනතුරක් සම්බන්ධයෙන් තමා ඇතුළු විත්තිකරුවන් පස්දෙනකුට වවුනියාව මහාධිකරණයේ පවරා ඇති නඩුව සභාපති විනිසුරුවරයාගෙන් වෙනත් විනිසුරුවරයකුට මාරු කරන ලෙස ඉල්ලා හිටපු පාර්ලිමේන්තු මන්ත්‍රී ජේ. ශ්‍රී රංගා ගොනු කළ පෙත්සම අභියාචනාධිකරණය ප්‍රතික්ෂේප කළේය.

අභියාචනාධිකරණයේ ද්විපුද්ගල විනිසුරු මඩුල්ලක් විසින් චූදිත-පෙත්සම්කරු විසින් “බදු පිරිවැය ගෙවීමට යටත්ව” පෙත්සම ප්‍රතික්ෂේප කරන ලදී. එනම් පෙත්සම විභාග කිරීමට ඇස්තමේන්තුගත පිරිවැය ශ්‍රී රංගාගෙන් අය කළ යුතු බවයි.

අභියාචනාධිකරණ සභාපති නිශ්ශංක බන්දුල කරුණාරත්න එකඟවීමත් සමඟ, විනිසුරු එම්. ඒ. ආර්. මරික්කාර් සිය තීන්දුවේ දී තීරණය කළේ, නඩුව වෙනත් අධිකරණයකට මාරු කිරීමට තරම් සභාපති මහාධිකරණ විනිසුරු එම්. එම්. එම්. මිහාල් පක්ෂග්‍රාහී වන බවට ප්‍රමාණවත් කරුණු පෙන්වීමට චූදිත පෙත්සම්කරුට නොහැකි වී ඇති බවයි.

මෙම නඩුව මුලින් වව්නියාව මහාධිකරණ විනිසුරු එම්. ඉලංචේලියන් ඉදිරියේ කැඳවා තිබිණි.

පසුව විනිසුරු ඉලංචේලියන් ඉදිරියේ නඩුව විභාග කිරීමට රජයේ නීතිඥවරයා විරෝධයක් මතු කරනු ලැබීය.

ඒ අනුව, විනිසුරු ඉලංචේලියන් විසින් මෙම ප්‍රශ්නය අගවිනිසුරුවරයා වෙත යොමු කර ඇති අතර, ඔහු විසින් මෙම නඩුව විභාග කිරීම සඳහා මහාධිකරණ විනිසුරු එම්. එම්. එම්. මිහාල් පත්කර තිබේ.