සඳෙහි දක්ෂිණ ධ්‍රැවයට චන්ද්‍රයාන් අභ්‍යවකාශ යානය සාර්ථකව ගොඩබැස්සවීමෙන් දින දහයකට පසු, ඉන්දියාව විසින් සූර්යයා අධ්‍යයනය කිරීමේ සිය පළමු මෙහෙයුම වන ‘ආදිත්‍ය L1’ රොකට්ටුව දියත් කර ඇත.

ඉන්දියාවේ නැගෙනහිර වෙරළ තීරයේ ශ්‍රීහරිකෝටා සිට දේශීය වේලාවෙන් පෙරවරු 11.50ට මෙම රොකට්ටුව දියත් කරන ලදී.

ආදිත්‍ය L1 මාස හතරක පමණ කාලයක් කිලෝමීටර මිලියන 1.5ක් ගමන් කර සූර්ය-පෘථිවි පද්ධතියේ ලග්‍රෙන්ජ් ලක්ෂ්‍යය (L1) වටා හැලෝ කක්ෂයක ස්ථානගත වනු ඇත.

ඉන්දීය අභ්‍යවකාශ පර්යේෂණ සංවිධානයට (ISRO) අනුව ආදිත්‍ය-L1 මෙහෙයුම යනු සූර්යයාගේ වායුගෝලය අධ්‍යයනය කිරීම සඳහා අභ්‍යවකාශය මත පදනම් වූ නිරීක්ෂණ පන්තියේ ඉන්දියානු සූර්ය මෙහෙයුමයි.

අභ්‍යවකාශ යානය ප්‍රභාගෝලය (සූර්‍යයාගේ ගැඹුරුම ස්ථර), වර්ණ ගෝලය (ප්‍රභාගෝලයට කි.මී. 400ක් සහ කිලෝමීටර් 2,100ක් පමණ ඉහළින් ඇති ස්ථරය) සහ කොරෝනා (සූර්‍යයාගේ පිටතම ස්ථර) නිරීක්ෂණය කිරීම සිදුකරනු ඇත.