August 29, 2023
වැට් බදු ආපසු ගෙවීමේ ප්‍රමාදයන් වළක්වා ගැනීම සඳහා අපනයනකරුවන්ට ලබා දී ඇති යෝජනා ක්‍රමයක් වන SVAT අහෝසි කිරීම සඳහා, එකතු කළ අගය මත බදු නීතියට සංශෝධනයක් කැබිනට් මණ්ඩලය අනුමත කර ඇත.
නීතිපතිවරයා විසින් මෙම සංශෝධනයට අනුමැතිය ලබා දී ඇති අතර කැබිනට් මණ්ඩලය විසින් පනත් කෙටුම්පත ගැසට් පත්‍රයේ ප්‍රකාශයට පත්කිරීමට අනුමැතිය ලබා දී ඇති බව ඇමැති බන්දුල ගුණවර්ධන ජනමාධ්‍යවේදීන් හමුවේ ප්‍රකාශ කළේය.
වැට් බද්ද නොමැතිව යෙදවුම් ආනයනය කිරීමට ඉඩ සලසන SVAT අහෝසි කිරීමට අපනයනකරුවන් මිට පෙර විරෝධය පළ කර තිබිණි.
කෙසේ වෙතත්, අන්තර්ජාතික මූල්‍ය අරමුදලේ වැඩසටහනක් යටතේ සමාන්තර වැට් බදු ක්‍රමය අවසන් කිරීමට යෝජනා වී ඇත.
