August 12, 2023
මෙරට ඇති කොවිඩ්-19 එන්නත් තොගය අගෝස්තු 24 වැනිදායින් පසු කල් ඉකුත්වන බව වාර්තා වේ.
මේ වන විට සෞඛ්‍ය අමාත්‍යංශය සතුව සයිනොෆාම් එන්නත් තොගයක් ඇති බවත්, එබැවින් එන්නත් ලබාගෙන නොමැති ඕනෑම අයකුට එන්නත් ලබාගැනීමට තවමත් යම් කාලයක් තිබෙන බවත්, කොවිඩ් – 19 සම්බන්ධීකාරක වෛද්‍ය අන්වර් හම්දානි සඳහන් කර ඇත.
ඕනෑම අයකුට එන්නත් ලබාගැනීමට අවශ්‍ය නම්, ඔවුන්ට ළඟම ඇති සෞඛ්‍ය වෛද්‍ය නිලධාරී කාර්යාලයට පැමිණිය හැකි බව ඔහු වැඩිදුරටත් පවසයි.
මේ අතර, මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ ප්‍රකාශ කර ඇත්තේ, තම විදේශීය සංචාරක අවශ්‍යතා සඳහා සෞඛ්‍ය බලධාරීන්ගෙන් එන්නත් සහතික ඉල්ලා ඇති එන්නත් නොකළ පුද්ගලයන් ගණනාවක් සිටින බවත්, ශ්‍රී ලංකාව තුළ කොවිඩ් -19 එන්නත් නොමැති බවත්ය.
