ශ්‍රී ලංකාවේ ජනප්‍රිය ගායිකාවක වන යොහානි සහ පකිස්ථාන හිටපු ක්‍රිකට් නායක රමිස් රාජා එකිනෙකාට ගීත දෙකක ගී පද උගන්වමින් සිටින වීඩියෝවක් සමාජ මාධ්‍ය ජාලා තුළ ප්‍රචලිත වී තිබේ.

ශ්‍රී ලංකාවේ ක්‍රියාත්මක ලංකා ප්‍රිමියර් ලීග් 2023(LPL) තරඟාවලිය අතරතුර පටිගත කර ඇති මෙම වීඩියෝවේ, යොහානි ඇගේ ‘මැණිකේ මගේ හිතේ’ ගීතයේ හින්දි පද රමිස් රාජාට ඉගැන්වීමට උත්සාහ කරන අයුරු දක්නට ලැබේ.

රමිස් රාජාද මෙහිදී සිය හැකියාවන් ප්‍රදර්ශනය කරනු ලබයි.

පසුව රමීස් රාජා යොහානිට වඩාත් හුරුපුරුදු හින්දි ගීතයක් ගායනා කිරීමට උගන්වමින් සිටිනු දක්නට ලැබේ.

පකිස්ථාන ක්‍රීඩකයන් කිහිපදෙනකු සහභාගී වන ලංකා ප්‍රිමියර් ලීග් තරඟාවලියේ විස්තර විචාරකයකු ලෙස රාජා ශ්‍රී ලංකාවට පැමිණ සිටියි.

යොහානි LPL ප්‍රවර්ධනය කරමින් සිටින අතර, සමාරම්භක උත්සවයේ දී ඉදිරිපත් වූ දේශීය තරු අතර ද විය.