July 26, 2023
ප්‍රවාහන අමාත්‍යාංශය 2024 ජනවාරි 01වැනිදා සිට රථවාහන වැරදි සඳහා දෝෂ ලකුණු ක්‍රමයක් හඳුන්වා දෙනු ඇත.
ප්‍රවාහන රාජ්‍ය ඇමැති ලසන්ත අලගියවන්න ප්‍රකාශ කළේ මෙම ක්‍රමය යටතේ දෝෂ ලකුණු 24ක් රැස්කර ගන්නා රියදුරන්ගේ රියදුරු බලපත්‍රය වහාම අවලංගු කරන බවයි.
රිය අනතුරු වැළැක්වීමේ අරමුණින් මෙම ලකුණුදීමේ ක්‍රමය හඳුන්වා දෙන බවද රාජ්‍ය ඇමතිවරයා ප්‍රකාශ කරයි.
රියදුරන් නිරීක්ෂණය කිරීම සඳහා නවීන තාක්ෂණික උපාංග කට්ටල 5000ක් ශ්‍රී ලංකාවට ගෙන්වා ඇති බව රාජ්‍ය ඇමැති අලගියවන්න වැඩිදුරටත් අනාවරණය කරයි.
