බෞද්ධ විහාරස්ථාන සහ පිරිවෙන් සඳහා සූර්ය බලශක්ති පහසුකම් සැපයීම සඳහා වෙන්කර ඇති ඩොලර් මිලියන 15ක ප්‍රදානයෙන් ඩොලර් මිලියන 10 ක් එම කටයුත්ත වෙනුවෙන් වෙන්කිරීමට කැබිනට් මණ්ඩලය තීරණය කර ඇතැයි වාර්තා වේ.

ඒ සඳහා ශ්‍රී ලංකාව සහ ඉන්දියාව අතර එළඹ ඇති ගිවිසුම සංශෝධනය කිරීමේ යෝජනාවට ශ්‍රී ලංකා කැබිනට් මණ්ඩලය අනුමැතිය ලබා දී තිබේ.

බුදුදහම සම්බන්ධයෙන් ද්විපාර්ශ්වික සබඳතා ශක්තිමත් කිරීම සඳහා වන ප්‍රදානය යටතේ ව්‍යාපෘති ක්‍රියාත්මක කිරීම සඳහා දෙරට අතර මුල් අවබෝධතා ගිවිසුම (MoU) 2022 මාර්තු මාසයේදී අත්සන් කරන ලදී.

2022 නොවැම්බරයේදී, ශ්‍රී ලංකාවේ ඉන්දීය මහ කොමසාරිස් ගෝපාල් භග්ලේ බුද්ධශාසන, ආගමික හා සංස්කෘතික කටයුතු ඇමැති විදුර වික්‍රමනායක හමුවී ප්‍රදානයන් සමඟ අරමුදල් සපයන බෞද්ධ ව්‍යාපෘති කඩිනම් කිරීම සඳහා සාකච්ඡා කරනු ලැබීය.