‘මිසිස් ඉන්ඩියා ඉන්කෝපරේෂන් සීසන් 4’ අවසන් මහා තරඟය කොළඹ නෙළුම් පොකුණ පරිශ්‍රයේදී ජූලි 13 සිට ජූලි 19 දක්වා පැවැත්වීමට නියමිතව ඇත.

මිසිස් ඉන්ඩියා ඉන්කෝපරේෂන් තරගය විදේශීය වේදිකාවක පැවැත්වෙන පළමු අවස්ථාව මෙය වේ.

ඉන්දියාවේ විවිධ ප්‍රදේශවලින් සහ ලොව පුරා සිටින තරඟකාරියන් 75 දෙනෙක්ගේ සහභාගීත්වයකින් යුතුව මෙම තරගය පැවැත්වීමට කටයුතු යොදා ඇත.

එමෙන්ම පැමිණෙන තරඟකාරියන් මෙරට සිනමන් ග්‍රෑන්ඩ් රිසෝට්හි රැඳී සිටීමට නියමිතව තිබේ.

මෙම තරඟය උදෙසා සාධාරණ සහ අපක්ෂපාතී තෝරා ගැනීමක් සහතික කිරීමට, කීර්තිමත් පුද්ගලයන්ගෙන් සමන්විත විනිසුරු මඩුල්ලක් සම්බන්ධ වී ඇත.

විනිසුරුවන් මඩුල්ලට Malaika Arora, Dino Morea, S. Sreesanth, Cherag Bambbot සහ Bhawna Rao ඇතුළත් වේ.

ආකර්ෂණීයභාවය හා විනෝදාස්වාදය එක් කරමින්, මෙරට ගායන ශිල්පිනී යොහානි විසින් විශේෂ ඉදිරිපත් කිරීමකින් වේදිකාව අලංකාර කිරීමට නියමිතව ඇත.

මෙම තරගාවලිය නිසැකවම ඉන්දියාව සහ ශ්‍රී ලංකාව අතර සවිබල ගැන්වීම සහ ගෝලීය එකමුතුකම සැමරීමක් වනු ඇතැයි මිසිස් ඉන්ඩියා ඉන්කෝපරේෂන්හි ජාතික අධ්‍යක්ෂිකා මෝහිනී ශර්මා සඳහන් කරයි.

පසුගිය වසරේ අවසන් මහා තරගයේ දර්ශන පහතින් දැක්වේ.