![](https://www.ceylonwire.lk/wp-content/uploads/2024/09/cambodia-Death-320x320.jpg)
Subscribe
Don't miss the latest news and updates.
careers
Would you like to join our growing team?
careers@hub.com
careers
Would you like to join our growing team?
careers@hub.com
Don't miss the latest news and updates.
Would you like to join our growing team?
careers@hub.com
Would you like to join our growing team?
careers@hub.com
රජයේ රෝහල්වල ඇති සමස්ත සීටී ස්කෑන් යන්ත්රවලින් තුනෙන් එකක් මේ මුළුමනින්ම අක්රිය වී ඇතැයි වෛද්ය වෘත්තිකයෝ සඳහන් කරති.
රජයේ විකිරණ විද්යා තාක්ෂණවේදීන්ගේ සංගමයට අනුව, රට පුරා රජයේ රෝහල්වල සීටී ස්කෑන් යන්ත්ර 44ක් ඇත.
වාර්තා සඳහන් කරන ආකාරයට කොළඹ ජාතික රෝහලේ හදිසි ප්රතිකාර ඒකකයේ සීටී ස්කෑන් යන්ත්ර 12ක්, කුරුණෑගල, කරාපිටිය, ත්රිකුණාමලය, හම්බන්තොට, බදුල්ල, රත්නපුර, කළුතර, හොරණ, ජාතික දන්ත රෝහල, සිරිමාවෝ බණ්ඩාරනායක විශේෂිත ළමා රෝහල සහ මාතර රෝහලේ ඇති සෙසු සීටී ස්කෑන් යන්ත්ර ක්රියාත්මක නොවීම නිසා රෝගීන් සහ වෛද්යවරුන් විශාල අපහසුතාවයකට පත්ව තිබේ.
ඇතැම් යන්ත්ර මාස ගාණකින් ක්රියාත්මක නොවන අතර, සමස්තයක් වශයෙන් ගත් කල, පෞද්ගලික රෝහල්වලට යෑමට හැකියාවක් නොමැති නිසා මෙම ප්රශ්නයේ වැඩි බරක් දරාගැනීමට සිදුව ඇත්තේ දුප්පත් ජනතාවටය.
එම නිසා සෞඛ්ය අමාත්යාංශය විසින් මෙම යන්ත්ර අලුත්වැඩියා කර නැවත පද්ධතියට ගෙන ඒමට කඩිනම් පියවර ගත යුතු යැයි විකිරණවේදීන්ගේ සංගමය සඳහන් කරයි.
මෙම යන්ත්ර ක්රියා විරහිත වීම හේතුවෙන් ඇතැම් රෝග නිවැරදිව හඳුනාගැනීමේදී වෛද්යවරුන් දුෂ්කරතාවන්ට මුහුණ දී ඇති බව රජයේ වෛද්ය නිලධාරීන්ගේ සංගමයේ (GMOA) මාධ්ය ප්රකාශක වෛද්ය චමිල් විජේසිංහ පවසයි.
මේ අතර සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන ප්රවෘත්ති සාකච්ඡාවකට එක්වෙමින් කියා සිටියේ, පසුගිය වසර දෙක තුළ සෞඛ්ය අමාත්යාංශයට ප්රමාණවත් මුදල් ලබානොදීම නිසා මෙම යන්ත්ර අලුත්වැඩියා කිරීම ප්රමාද වී ඇති බවයි.
කෙසේ වෙතත්, මේ වනවිට බාධා ඉවත් කර ඇති බැවින්, මෙම යන්ත්ර මාසයක් ඇතුළත අලුත්වැඩියා කිරීමට කඩිනම් පියවර ගනිමින් සිටින බව ඔහු සඳහන් කරයි.
පරිගණකගත ටොමොග්රැෆි (CT) ස්කෑන් මගින් මිනිස් සිරුර වටා විවිධ කෝණවලින් ලබාගත් X-ray රූප මාලාවක් ඒකාබද්ධ කරන අතර, ශරීරය තුළ ඇති අස්ථි, රුධිර නාල සහ මෘදු පටක වල හරස්කඩ රූප නිර්මාණය කිරීමට පරිගණක සැකසුම් භාවිත කරයි.
එමෙන්ම CT ස්කෑන් රූප සාමාන්ය X-ray රූපවලට වඩා සවිස්තරාත්මක තොරතුරු සපයයි.
Adding {{itemName}} to cart
Added {{itemName}} to cart