ක්‍රීඩා කරමින් සිටියදී යකඩ කුරකින් සිදුකළ පහරදීමක් හේතුවෙන් බරපතළ තුවාල ලැබූ දස හැවිරිදි පිරිමි දරුවකු මීගමුව රෝහලට ඇතුළත් කර ප්‍රතිකාර ලබමින් සිටියදී මියගොස් තිබේ.

එකම පවුලක ඥාතීන් වන මෙම දරුවන් දෙදෙනකු ක්‍රීඩා කරමින් සිටියදී එක් දරුවකු සිදුකර ඇති පහරදීමකින් යකඩ කූරක් නළල හරහා අනෙක් දරුවාගේ සිරුරට ඇතුළුවී ඇති බව රෝහල් ආරංචි මාර්ග පවසයි.

පහරදීම සිදුකළ බව කියන දොළොස් හැවිරිදි දැරිය පොලිස් භාරයට ගෙන මීගමුව අධිකරණයට ඉදිරිපත් කිරීමෙන් අනතුරුව ආරක්ෂාව සඳහා ළමා නිවාසයක රැඳවීමට පියවර ගෙන ඇති බව පොලීසිය සඳහන් කරයි.

මේ සම්බන්ධයෙන් වැඩිදුර විමර්ශන කටාන පොලිසිය සිදුකරයි.