ශ්‍රී ජයවර්ධනපුර රෝහලේදී ශල්‍යකර්මයකට භාජනය කිරීමෙන් පසු වයස අවුරුදු නවයක පිරිමි ළමයකු මියගොස් ඇති බව වාර්තා වේ.

4 ශ්‍රේණියේ ඉගෙනුම ලබන ධනුජ වික්‍රමාරච්චි නමැති හල්තොට ප්‍රදේශයේ පදිංචි මෙම දරුවා පසුගිය දෙසැම්බර් 17 වැනිදා රෝහලට ඇතුළත් කර ඇත්තේ මුත්‍රා මාර්ගයේ ඇති වූ රෝගී තත්ත්වයකට අදාළ ශල්‍යකර්මයක් සඳහාය.

දෙසැම්බර් 18 වැනි දින සැත්කම සිදු කළ නමුත් පසුව දරුවාට සිහිය නොලැබුණු බව මවුපියෝ පවසති.

පසුව දරුවා රිජ්වේ ළමා රෝහලේ දැඩි සත්කාර ඒකකයට මාරුකර යැවුවද ඔහුගේ තත්ත්වය බරපතළ වී දෙසැම්බර් 22 වැනිදා මියගොස් තිබේ.

වෛද්‍ය නොසැළකිල්ලක් විය හැකි බවට චෝදනා කරමින් දරුවාගේ මවුපියන් පොලිසියට පැමිණිල්ලක් කර ඇත.

ඒ අනුව පොලිස් පරීක්ෂණ ක්‍රියාත්මකය.