නාවික හමුදාව ක්‍රියාත්මක කරන ලද විශේෂ සෝදිසි මෙහෙයුමක් මගින් පසුගිය 06 වැනිදා යාපනය, එළුවතිව් දූපතට ඔබ්බෙන් වූ මුහුදු ප්‍රදේශයේදී කේරළ ගංජා කිලෝග්‍රෑම් 137 ග්‍රෑම් 45ක් රැගෙන යමින් තිබූ ඩිංගි යාත්‍රාවක් අත්අඩංගුවට ගෙන ඇත.

මෙම නීති විරෝධී කටයුත්තට සම්බන්ධ බවට සැකකෙරෙන පුද්ගලයන් 03 දෙනකු එහිදී නාවික හමුදාව අත්අඩංගුවට ගෙන තිබේ.

මෙම කේරළ ගංජා තොගය පාර්සල් 56ක් ලෙස ගෝනි 03ක තිබී ඇත.

අත්අඩංගුවට ගත් කේරළ ගංජාවල වටිනාකම රුපියල් මිලියන 54කට අධික බව වාර්තා වේ.

මෙහෙයුමේදී අත්අඩංගුවට ගත් සැකකරුවන් වයස අවුරුදු 20ත් 44ත් අතර පුනරීන් ප්‍රදේශයේ පදිංචිකරුවන් වේ.

සැකකරුවන්, කේරළ ගංජා තොගය සහ ඩිංගි යාත්‍රාව ඉදිරි නීතිමය කටයුතු සඳහා කයිට්ස් පොලිසිය වෙත භාරදීමට නියමිතය.