2025 ජනවාරි මාසයේදී පමණක් අලි-මිනිස් ගැටුම් හේතුවෙන් අලි ඇතුන් 43 දෙනකු පමණ මියගොස් ඇති අතර එම කාලය තුළ පුද්ගලයන් තිදෙනකු මියගිය බව පරිසර අමාත්‍ය ධම්මික පටබැඳි අද පැවැසීය.

පසුගිය වසර දහය තුළ අලි ඇතුන් 3,527 ක් පමණ මියගිය බවත්, එම කාලය තුළ පුද්ගලයන් 1,195 ක් පමණ අලි-මිනිස් ගැටුම් හේතුවෙන් මියගිය බවත් ඔහු පාර්ලිමේන්තුවට අනාවරණය කළේය.

සමගි ජන බලවේගයේ පාර්ලිමේන්තු මන්ත්‍රී නලින් බණ්ඩාර මතුකළ ප්‍රශ්නයකට පිළිතුරු දෙමින් අමාත්‍යවරයා මේ බව පැවසීය.

අලියකු සහ මිනිසකු මියයෑම හේතුවෙන් වනජීවී දෙපාර්තමේන්තුව රුපියල් මිලියනයක වියදමක් දරන බවද මන්ත්‍රීවරයා සඳහන් කළේය.