2024 ජනාධිපතිවරණය සදහා තැපැල් ඡන්දය සලකුණු කිරීම ලබන මස 04,05 සහ 06 යන දිනයන්හි සිදුකෙරෙන බව මැතිවරණ කොමිෂන් සභාව නිවේදනය කරයි.

ඒ අනුව තැපැල් ඡන්දය සඳහා සුදුසුකම් ලැබුවන්ට දිස්ත්‍රික් ලේකම් කාර්යාල, මැතිවරණ කාර්යාල හා පොලිසියට එම දිනවලදී තැපැල් ඡන්දය සලකුණු කළ හැකි වේ.

එම දිනයන්හි තැපැල් ඡන්දය සලකුණු කිරීමට නොහැකි වන අයට ලබන මස 11 සහ 12 යන දිනයන්හි ඒ සඳහා නැවත අවස්ථාව හිමිවන බව අදාළ නිවේදනයේ දැක්වෙන්නේ.

තැපැල් ඡන්ද පත්‍රිකා නිකුත් කිරීම හා තැපෑලට භාරදීම ලබන 26 වැනිදා සිදුකෙරන බව මැතිවරණ කොමිෂන් සභාව නිවේදනය කරයි.