November 17, 2024
පාර්ලිමේන්තු මැතිවරණයෙන් තම පක්ෂය ලැබූ විශිෂ්ට ජයග්‍රහණයෙන් පසු ජනාධිපති අනුර කුමාර දිසානායක විසින් 23 දෙනෙකුගෙන් යුත් කැබිනට් මණ්ඩලයක් හෙට නම් කරනු ඇති බව වාර්තා වේ.
එහිදී ආරක්ෂක සහ මුදල් අමාත්‍යාංශ තමන් යටතේ තබා ගැනීමට ජනාධිපතිවරයා සැලසුම් කර ඇති බව ද දැනගන්නට තිබේ.
නව ආණ්ඩුවේ අගමැති ලෙස හරිනි අමරසූරිය යළි පත්කෙරෙන අතර ඇමැති විජිත හේරත් විදේශ ඇමැතිවරයා ලෙස යළි දිවුරුම් දීමට නියමිතය.
ජනාධිපතිවරයා විසින් සියලුම අමාත්‍යාංශ සඳහා නියෝජ්‍ය ඇමැතිවරුන් පත් කරනු ඇත.
අගමැතිවරියට අමතරව දකුණු පළාතෙන් අලුතින් තේරී පත් වූ තවත් පාර්ලිමේන්තු මන්ත්‍රීවරියක් කැබිනට් මණ්ඩලයට ඇතුළත් කිරීමට නියමිත බව වාර්තා වේ.
බ්‍රහස්පතින්දා පැවැත්වෙන පළමු පාර්ලිමේන්තු සැසිවාරයට පෙර ඇමැති මණ්ඩලය සිය පළමු රැස්වීම අඟහරුවාදා පැවැත්වීමට නියමිතය.
එම වෙනස්කම්වල කොටසක් ලෙස අමාත්‍යාංශ ලේකම්වරුන් ගණනාවක් වෙනස් කිරීමට ද නියමිත බව වාර්තා වේ.
තනතුරුවල රඳවා ගනු ඇතැයි අපේක්ෂා කරන අය අතර මුදල් අමාත්‍යාංශයේ ලේකම් මහින්ද සිරිවර්ධන ද සිටින අතර, ප්‍රධාන වශයෙන් අන්තර්ජාතික මූල්‍ය අරමුදල සමඟ සාකච්ඡා දිගටම කරගෙන යනු ඇත.
මේ අතර, පාර්ලිමේන්තුවේ සෙසු තනතුරු සඳහා මන්ත්‍රීවරුන් පත්කිරීම ද සළකා බලමින් සිටින බව වාර්තා වේ.
කථානායක ධුරය සඳහා නම් හතරක් සළකා බැලෙමින් තිබූ අතර නියෝජ්‍ය කථානායක ධුරය සුළු ජාතික ප්‍රජාව නියෝජනය කරන මන්ත්‍රීවරයකුට ලබාදීමට නියමිතය.
ජාතික ලැයිස්තු අපේක්ෂක බිමල් රත්නායක කථානායක ධුරයට පත්කිරීමට යෝජනා වුවද ඔහුට ඇති පාර්ලිමේන්තු අත්දැකීම් අනුව සභානායකවරයා ලෙස කටයුතු කිරීමට බොහෝ දුරට ඉඩ ඇති බව වාර්තා වේ.
