රුසියානු-යුක්රේන යුද්ධයේදී කුලී හමුදාවට එක්වූ ශ්‍රී ලාංකිකයන් 17 දෙනකු මියගොස් ඇති බව අපරාධ පරීක්ෂණ දෙපාර්තමේන්තුවේ (CID) මිනිස් ජාවාරම්, ජාවාරම් සහ සමුද්‍රීය අපරාධ විමර්ශන අංශය අනාවරණය කර තිබේ.

මේ අතර සෙනසුරාදා (11) දිනයේදී රුසියාවට ගිය තවත් විශ්‍රාමික සෙබළුන් දෙදෙනකු අතුරුදන්ව ඇති බව වාර්තා විය.

පසුගිය මාර්තු 29 වැනිදායින් පසු ඔවුන්ගෙන් කිසිදු තොරතුරක් ලැබී නොමැති බව ඥාතීහු පවසති.

පදවිය ප්‍රදේශයේ විශ්‍රාමික ගුවන් හමුදා නිලධාරියෙකු වන අසංක චන්දන පෙබරවාරි 12 වැනි දින රුසියාවට පිටත්ව ගොස් ඇත්තේ රුසියානු යුක්රේන යුද්ධයට සම්බන්ධ වීමටය.

ඔහුගේ පවුලේ අය සමඟ ඔහු අවසන් වරට සන්නිවේදනය කළේ මාර්තු 29 වන දින වන අතර එතැන් සිට වැඩිදුර තොරතුරු ලැබී නොමැත.

එසේම මැදවච්චියේ විශ්‍රාමික කමාන්ඩෝ නිලධාරියෙකු වන ප්‍රදීප් චන්දන ද පෙබරවාරි 12 වැනිදා රුසියාව බලා පිටත්ව ගොස් ඇත.

ඔහුගේ පවුලේ අය සමඟ අවසන් වරට සම්බන්ධවී ඇත්තේ, මාර්තු 29 වැනිදා වන අතර එතැන් සිට කිසිදු යාවත්කාලීන කිරීමක් සිදුවී නොමැත.