නීතිවිරෝධී ක්‍රියාවලට සම්බන්ධ පුද්ගලයන් ඉලක්ක කර ගනිමින් ක්‍රියාත්මක ‘යුක්තිය’ මෙහෙයුමේදී ප්‍රධාන පෙළේ මත්ද්‍රව්‍ය ජාවාරම්කරුවන් වන කුඩු රොෂාන්, කවිදු මධුරංග සහ හෙට්ටිආරච්චිගේ ශ්‍රියායි යන අයගේ රුපියල් මිලියන 100කට අධික වටිනාකමකින් යුත් වත්කම් සහ ඉඩම් පොලිස් නීති විරෝධී වත්කම් හා දේපළ විමර්ශන අංශය විසින් රාජසන්තක කර තිබේ.

වැඩබලන පොලිස්පති දේශබන්දු තෙන්නකෝන් පැවසුවේ, අත්අඩංගුවට ගත් භාණ්ඩ අතර රුපියල් මිලියන 33ක වටිනාකමකින් යුත් සුඛෝපභෝගී ජීප් රථයක්, රුපියල් මිලියන 13ක වටිනාකමකින් යුත් වෑන් රථයක් , රුපියල් මිලියන 14ක් සහ රුපියල් මිලියන 13ක් වන මෝටර් රථ දෙකක් සහ
රුපියල් මිලියන 01ක ත්‍රිරෝද රථයක් ද වන බවයි.

නීතිවිරෝධී ක්‍රියාවල නිරත වූ ජාවාරම්කරුවන්ට අයත් යැයි කියන, තලගල, මාලඹේ සහ ජාඇල ප්‍රදේශවල පිහිටි රුපියල් මිලියන 45ක ඉඩම් සහ දේපළ ද මෙහෙයුමේ කොටසක් ලෙස රාජසන්තක කර ඇති බව මහජන ආරක්‍ෂක අමාත්‍යංශය පැවසුවේය.