ලිට්‍රෝ ගෑස් ලංකා(Litro Gas Lanka Ltd. (LGL)) සහ ලිට්‍රෝ ගෑස් ටර්මිනල්(Litro Gas Terminals (Pvt) Ltd. (LGT)) මිලදී ගැනීම සඳහා ආයෝජකයන්ගෙන් කැමැත්ත ප්‍රකාශ කිරීම සඳහා ඉල්ලීම් 14ක් ලැබී ඇති බව වාර්තා වේ.

මුදල් අමාත්‍යාංශයට අනුව, රජය කැමැත්ත ප්‍රකාශ කිරීම සඳහා ඉල්ලීම් ඉදිරිපත් කිරීම වෙනුවෙන් 2024 ජනවාරි 16 වන දින යෝජනා කැඳවා තිබූ අතර, යෝජනා ඉදිරිපත් කිරීමේ අවසන් දිනය අද (මාර්තු 15) පස්වරු 2 න් අවසන් විය.

ලැබුණු යෝජනා කැබිනට් මණ්ඩලය විසින් පත් කරන ලද විශේෂ සාකච්ඡා කමිටුව නම් කරන ආරම්භක කමිටුව විසින් සළකා බලා ඇත.

මුදල් අමාත්‍යාංශය පවසන්නේ යෝජනා 14ක් පහත පාර්ශවයන්ගෙන් ලැබුණු බවයි.

01. Epdesa Pte Ltd, සිංගප්පූරුව
02. භාරත් පෙට්‍රෝලියම් කොප්, ඉන්දියාව
03. Ayaz Anonim Sirketi, තුර්කිය
04. SiamGas සහ Petrochemicals Public Company Limited, තායිලන්තය
05. BGN Int DMCC, එක්සත් අරාබි එමීර් රාජ්‍යය
06. Confidence Petroleum India Limited, ඉන්දියාව
07. OQ Trading Limited, එක්සත් අරාබි එමීර් රාජ්‍යය
08. Tristar Group, එක්සත් අරාබි එමීර් රාජ්‍යය
09. ලාෆ්ස් ගෑස් PLC, ශ්‍රී ලංකාව
10. යුනයිටඩ් පෙට්‍රෝලියම් හෝල්ඩින්ග්ස්, මැලේසියාව
11. Vitol Asia Pte Ltd, සිංගප්පූරුව
12. Infinity NGC, Sri Lanka, ශ්‍රී ලංකාව
13. China National Aero Techno, ශ්‍රී ලංකාව
14. Consulting Engineers & Contractors, ශ්‍රී ලංකාව

2023 ජූලි මාසයේදී අමාත්‍ය මණ්ඩලය විසින් අනුමත කරන ලද රාජ්‍ය සතු ව්‍යවසායන් බෙදා හැරීම පිළිබඳ විශේෂ මාර්ගෝපදේශයන්ට අනුව මෙම යෝජනා විශේෂ ව්‍යාපෘති කමිටුව විසින් ඇගයීමට ලක්කෙරේ.

ලිට්‍රෝ ගෑස් ලංකා(Litro Gas Lanka Ltd. (LGL)) සහ ලිට්‍රෝ ගෑස් ටර්මිනල්(Litro Gas Terminals (Pvt) Ltd. (LGT)) හි උපාය මාර්ගික බෙදාහැරීමේ ගනුදෙනු උපදේශක ලෙස Deloitte India සමාගම ක්‍රියාකරන බව මුදල් අමාත්‍යාංශය වැඩිදුරටත් පවසයි.