ශ්‍රී ලංකා පොලිසියට අවශ්‍යව සිටින අපරාධකරුවන් 13ක් ඩුබායි රාජ්‍යයේ දී අත්අඩංගුවට පත්ව ඇති බව පොලිසිය අනාවරණය කරයි.

මෙලෙස අත්අඩංගුවට පත්ව ඇති පුද්ගලයන් සම්බන්ධයෙන් අන්තර්ජාතික පොලිසිය සමග ඒකාබද්ධව ඉදිරි විමර්ශන සිදුකරන බව වැඩබලන පොලිස්පති දේශබන්දු තෙන්නකෝන් පවසයි.

අපරාධ පරීක්ෂණ දෙපාර්තමේන්තුවේ නිලධාරීන් විසින් එම කටයුතු මෙහෙයවන බව වැඩබලන පොලිස්පතිවරයා වැඩිදුරටත් සඳහන් කරයි.